O‘zbekiston davlat jahon tillari universiteti Axborot-resurs markazida o‘quv ishlari bo‘yicha prorektor Muhammad Chariyevich Chutpulatov hamda markaz xodimlari ishtirokida yig‘ilish bo‘lib o‘tdi

O‘zbekiston davlat jahon tillari universiteti Axborot-resurs markazida o‘quv ishlari bo‘yicha prorektor Muhammad Chariyevich Chutpulatov hamda markaz xodimlari ishtirokida yig‘ilish bo‘lib o‘tdi.
Yig'ilish davomida o‘quv jarayonini sifatli adabiyotlar va zamonaviy axborot resurslari bilan ta’minlash masalalari muhokama qilindi. Shuningdek, bugungi kunda dolzarb hisoblangan mualliflik huquqi, mualliflik shartnomalarini rasmiylashtirish hamda adabiyotlarni universitet mulki sifatida ro‘yxatga olish bo‘yicha xodimlarga muhim ko‘rsatmalar berildi. Shu bilan birga, axborot-resurs markazi fondini raqamlashtirish va talabalarga xizmat ko‘rsatish madaniyatini yanada yuksaltirish masalalari atroflicha ko‘rib chiqildi.
Muloqot yakunida prorektor tomonidan axborot-resurs markazi faoliyatini yanada samarali tashkil etish hamda xodimlarning mas’uliyatini oshirish yuzasidan tegishli topshiriqlar berildi.