Muhammad Yusuf tavalludining 72 yilligiga bag‘ishlangan ma’naviy-ma’rifiy tadbir tashkil etildi.

2026-yil 24-aprel kuni asosiy bino Axborot-resurs markazida bo‘lim boshlig‘i S. Inagamova boshchiligida hamda 1-bosqich talabalari ishtirokida O‘zbekiston xalq shoiri Muhammad Yusuf tavalludining 72 yilligiga bag‘ishlangan ma’naviy-ma’rifiy tadbir tashkil etildi.

Tadbir davomida S. Inagamova shoirning hayoti, ijodi va boy adabiy merosi haqida batafsil ma’lumot berdi. Talabalar Muhammad Yusufning xalq qalbidan joy olgan “Ulug‘imsan, Vatanim”, “Lolaqizg‘aldoq”, “Hur o‘lkam”, “Qay o‘g‘ildan kamdir qizingiz” kabi she’rlarini badiiy ifoda bilan yoddan aytib berdilar.

Shoirning she’rlari orqali yurt, millat va insonparvarlikka bo‘lgan mehr-muhabbat tadbir ishtirokchilariga ta’sirli tarzda yetkazildi. Tadbir samimiy va ma’rifiy ruhda o‘tdi hamda ishtirokchilarda unutilmas taassurot qoldirdi.