O‘zbekiston xalq shoiri Muhammad Yusuf tavalludining 72 yilligi

O‘zbekiston xalq shoiri Muhammad Yusuf tavalludining 72 yilligi munosabati bilan Axborot-resurs markazi bo‘lim mudiri M. Muxamedjonova, Ingliz filologiyasi fakulteti tyutori Z. Ibrohimova hamda talabalar ishtirokida ma’naviy-ma’rifiy tadbir o‘tkazildi.

Tadbir davomida tyutor Z. Ibrohimova shoirning hayoti va ijod yo‘li haqida batafsil ma’lumot berdi. Talabalar esa shoirning Vatanga muhabbat, insoniylik va sadoqat ruhida yozilgan she’rlaridan yod olib, ularni ifodali tarzda o‘qib berdilar.

Ishtirokchilar tomonidan shoirning boy ijodiy merosi, uning o‘zbek adabiyotidagi o‘rni hamda yoshlar tarbiyasidagi ahamiyati haqida fikr-mulohazalar bildirildi. Tadbir savol-javoblar va bahs-munozaralar tarzida qiziqarli ruhda davom etdi.

Ta’kidlab o‘tildiki, bunday ma’naviy-ma’rifiy tadbirlar yoshlar qalbida milliy qadriyatlarga hurmatni oshirish, ularni vatanparvarlik ruhida tarbiyalashda muhim ahamiyat kasb etadi.