O.Toshboyevning “Ultontoz” asari yuzasidan ma’naviy-ma’rifiy tadbir tashkil etildi. 

Xalqaro jurnalistika fakulteti Axborot-resurs markazining 1-toifali kutubxonachisi M. Akromova tashabbusi bilan 1-bosqich talabalari ishtirokida “Talaba o‘qishi zarur bo‘lgan 100 kitob” loyihasi doirasida O.Toshboyevning “Ultontoz” asari yuzasidan ma’naviy-ma’rifiy tadbir tashkil etildi. 

Tadbirda asar muallifi Olim Toshboyevning o‘zi ham ishtirok etdi. U “Ultontoz” asarining yaratilish jarayoni, undagi g‘oyaviy yo‘nalish, qahramonlarning ichki dunyosi va hayotiy muammolari haqida batafsil so‘zlab berdi.

Shuningdek, talabalar bu asarni o‘qish orqali insoniy qadriyatlarni qadrlash , adolat va haqiqat uchun kurashish, tanqidiy fikrlash hamda ijtimoiy mas’uliyatni his etish kabi fazilatlarni o‘zlarida shakllantirish mumkinligini qayd etishdi.