“O‘ZBEKISTON” nashriyoti direktori O‘ZDJTU Axborot-resurs markazida

“O‘ZBEKISTON” nashriyoti direktori O‘ZDJTU Axborot-resurs markazida
O‘zbekiston davlat jahon tillari universitetining Axborot-resurs markaziga “O‘ZBEKISTON” nashriyot-matbaa ijodiy uyi direktori Xushnudjon Mahmudov  tashrif buyurdi.

Ushbu tashrif davomida nashriyot direktori universitet kutubxonasining zamonaviy resurslari, ilmiy-adabiy fondi va talabalar uchun yaratilgan qulay sharoitlar bilan yaqindan tanishdi. Axborot-resurs markazi rahbariyati bilan o‘tkazilgan uchrashuvda nashriyot va universitet o‘rtasidagi hamkorlikni yanada rivojlantirish masalalari muhokama qilindi.

 Ushbu tashrif nashriyot va universitet o‘rtasidagi hamkorlikni mustahkamlashga, shuningdek, yangi nashrlar, o‘quv  adabiyotlari chop etish bo‘yicha qo‘shma loyihalarni amalga oshirishga xizmat qiladi.

Uchrashuv nashriyot va universitetimiz o‘rtasidagi hamkorlikni yanada kengaytirishga qaratilgan kelajakdagi qo‘shma loyihalar va tadbirlar haqida kelishuv bilan yakunlandi.