O‘zbekiston davlat jahon tillari universitetida navoiyshunoslik va boburshunoslik yangi bosqichga ko‘tarildi

O‘zbekiston davlat jahon tillari universitetida navoiyshunoslik va boburshunoslik yangi bosqichga ko‘tarildi. Ikki buyuk mutafakkir tavalludiga bag‘ishlangan ikki muhim ilmiy nashr ilmiy jamoatchilik e’tiboriga havola etildi.

Universitet rektori, professor I.M. Tuxtasinov hamda SamDChTI professori Dilorom Salohiy hammuallifligida yaratilgan “Sharq shoirlarining lirik tafakkuri” (“Lyrical Tendencies of Oriental Thinkers”) nomli fundamental monografiya, shuningdek, universitetimiz PhD tadqiqotchisi Hasem Esmael va Dilorom Salohiy muallifligidagi “Navoiy va Bobur” nomli qo‘llanma Alisher Navoiy nomidagi Milliy kutubxona fondiga esdalik uchun topshirildi. Nashrlarni topshirish jarayoni universitet Axborot-resurs markazi direktori Saida Qayumova hamda Tarjimonlik fakulteti dotsenti Anorxon Axmedova tomonidan amalga oshirildi.

“Sharq shoirlarining lirik tafakkuri” monografiyasi o‘zbek va ingliz tillarida, “Navoiy va Bobur” qo‘llanmasi esa o‘zbek va arab tillarida chop etilgani bilan alohida ahamiyat kasb etadi. Ushbu asarlar Alisher Navoiy va Zahiriddin Muhammad Bobur ijodini yangi ilmiy yondashuvlar asosida o‘rganishga xizmat qilishi bilan navoiyshunoslik va boburshunoslik tadqiqotlari doirasini yanada kengaytiradi.