Alisher Navoiy tavalludining 585 yilligi munosabati bilan ma’naviy-ma’rifiy tadbir o‘tkazildi

Rus filologiyasi fakulteti tyutori U. Ro‘zimetova hamda Axborot-resurs markazi mutaxassisi Sh. Artikova hamkorligida talabalar ishtirokida buyuk mutafakkir shoir Alisher Navoiy tavalludining 585 yilligi munosabati bilan ma’naviy-ma’rifiy tadbir o‘tkazildi.

Tadbir davomida talabalar tomonidan Alisher Navoiy ijodidan g‘azal va ruboiylar ifodali tarzda o‘qildi, shoirning boy adabiy merosi, o‘zbek adabiyoti rivojidagi beqiyos o‘rni va yuksak ma’naviy ahamiyati haqida fikr-mulohazalar bildirildi.

Ushbu tadbir talabalarda milliy adabiyotimizga bo‘lgan qiziqishni oshirish, buyuk ajdodlarimiz merosini chuqurroq o‘rganish hamda ma’naviy dunyoqarashni boyitishga xizmat qildi.