Yangi o'quv qo'llanma va lug'at kutubxonamizda!

Yangi o'quv qo'llanma va lug'at kutubxonamizda!

30-iyul kuni O‘zbekiston davlat jahon tillari universiteti Axborot-resurs markaziga Ingliz filologiyasi fakulteti Ingliz tili amaliy aspektlari kafedrasi katta o‘qituvchisi Saidov Ravshan Tursunovich tashrif buyurdi.

Tashrif chog‘ida muallif o‘zining Chet tilini o'qitish uslub va tamoyillari  fanidan yaratgan o'quv qo‘llanmasi va mazkur fanga oid mavzulashtirilgan, monolingval, sinonimik va amaliy maslahatlar bilan boyitilgan Atamalar lug'atini Axborot-resurs markazi fondiga taqdim etdi.

Ravshan Saidovning ushbu o'quv qo‘llanmasi talaba va o‘qituvchilar uchun Chet tilini o'qitish uslub va tamoyillari fanining amaliy dars jarayonida foydalanish uchun mo'ljallangan. O'quv qo'llanma o'z ichiga zamonaviy uslub va tamoyillarni yoritishga qaratilgan bo'lib, unda darsni rejalashtirish, interaktiv yondashuvlar va amaliy topshiriqlar tizimlashtirilgan. Lug'atda esa Chet tilini o'qitish uslub va tamoyillari bilan bog'liq asosiy atama va tushunchalarning kengroq doirasi tematik tartibda keltirilgan bo'lib, sinonimlar va ularning amaliy qo'llanish bo'yicha maslahatlar bilan boyitilgan.

Mazkur qo'llanma va lug'at 2025-2026 o'quv yilida talabalarning fanga oid bilim va ko'nikmalarini rivojlantirishga va mustahkamlashga xizmat qiladi.