ARM elektron dasturlari va mavjud ilmiy maʼlumotlar bazalari bilan tanishtirish boʻyicha tadbir oʻtkazildi

O'zDJTU Axborot-resurs markazida 1-bosqich tayanch doktorantlariga ARM elektron dasturlari va mavjud ilmiy maʼlumotlar bazalari bilan tanishtirish boʻyicha tadbir oʻtkazildi. 

Tadbirda Ilmiy ishlar va innovatsiyalar prorektori O.Yusupov, Ilmiy tadqiqotlar, innovatsiyalar va ilmiy pedagogik kadrlar tayyorlash boʻlimi boshligʻi K.Muradkasimova va Axborot-resurs markazi direktori S.Kayumova ishtirok etdi.

Dastur davomida Ilmiy izlanuvchilarga moʻljallangan dissertatsiya va avtoreferatlar bazalari joylashtirilgan oʻquv zali, elektron kutubxona bilan tanishtirilib, ARM da IRBIS-64 dasturida mavjud 50000 nomda adabiyotlarning va yangi olingan nashrlarning bibliografik yozuvlari va Vazirlik tomonidan taqdim etilgan https://unilibrary.uz/ yagona elektron kutubxona tizimi orqali ARM dan va Respublika Oliy taʼlim muassasalari ARM larida mavjud adabiyotlarning bibliografik yozuvlari hamda ularning elektron nusxalardan foydalanish mumkinligi toʻgʻrisida maʼlumot berildi. 

Shuningdek, ARM Elektron axborot-kutubxona resurslari boʻlimi mudiri S.To`xtayev va AT boʻyicha yetakchi mutaxassis I.Tursunov tomonidan professor-oʻqituvchilar, tayanch doktorantlar, doktorantlar, mustaqil izlanuvchilar, stajyor -tadqiqotchi-izlanuvchilar va talabalarning salohiyatini oshirish, ilmiy-tadqiqot ishlarini olib borishda hamda dissertatsiyalarni tayyorlashda katta yordam beradigan jahon standartlariga mos keladigan maqolalar yozish va oʻz maqolalarini tahrir hayʼatiga yuborish imkoniyati darajasini oshirish maqsadida Oliy taʼlim fan va innovatsiyalar vazirligi tomonidan 3 yilga Web of Science, Science Direct ilmiy-texnik maʼlumotlar bazasi va Alisher Navoiy nomidagi Milliy kutubxona tomonidan taqdim etilgan EBSSO_Host bazalari maʼlumotlaridan foydalanish boʻyicha seminar oʻtkazildi.

Spinger, E-library.ru Scopus va SciVal bazalarning ochiq tizimiga ulanganligi hamda ilmiy maʼlumotlar bazalaridan foydalanish imkoniyati mavjudligi toʻgʻrisida tushuntirildi.