“Dunyoning ishlari” asari asosida kitobxonlik tadbiri

 “Dunyoning ishlari” asari asosida kitobxonlik tadbiri

Ingliz tili 1-fakulteti 2513-guruh talabalari ishtirokida, tyutor M. Allamova tomonidan O‘tkir Hoshimovning “Dunyoning ishlari” asari yuzasidan kitobxonlik tadbiri tashkil etildi. Tadbir talaba-yoshlar o‘rtasida mutolaa madaniyatini yuksaltirish, badiiy adabiyotga bo‘lgan qiziqishni oshirish hamda asar mazmun-mohiyatini chuqur tahlil qilish maqsadida o‘tkazildi.
Tadbir davomida asarning g‘oyaviy yo‘nalishi, unda ilgari surilgan insoniylik, mehr-oqibat, oilaviy qadriyatlar va hayotiy haqiqatlar xususida atroflicha fikr almashildi. Talabalar asar qahramonlari obrazi, yozuvchining betakror uslubi hamda asarning tarbiyaviy ahamiyati yuzasidan o‘z mulohazalarini bildirdilar. 
Suhbat jarayonida faol ishtirok etgan talabalar o‘z fikrlari bilan o‘rtoqlashib, badiiy asarni tahlil qilish ko‘nikmalarini yanada mustahkamlashga erishdilar. Tadbir yakunida kitobxonlikning shaxs kamolotidagi o‘rni alohida ta’kidlanib, talabalar muntazam mutolaa qilishga chorlandi.