O‘zbekiston Milliy kutubxonasida “Kutubxonalarda sun’iy intellekt” mavzusida davra suhbati bo‘lib o‘tdi

2025-yil 12-noyabr kuni O‘zbekiston Milliy kutubxonasida “Kutubxonalarda sun’iy intellekt” mavzusida davra suhbati bo‘lib o‘tdi
Davra suhbatida bugungi kunda kutubxonani zamonaviy, foydalanuvchiga qulay va texnologik jihatdan ilg‘or muassasaga aylantirish maqsadida sun’iy intellekt kutubxona tizimlarida axborotni indekslash, kataloglashtirish, matnlarni tahlil qilish, tavsiya xizmatlarini ko‘rsatish, foydalanuvchi savollariga avtomatik javob berish kabi ko‘plab yo‘nalishlarda keng qo‘llanilayotgani ta'kidlandi. Sun’iy intellekt texnologiyalaridan kutubxona infratuzilmasining avtomatlashtirilishida ham qo‘llanilayotgani, ya'ni aqlli xavfsizlik tizimlari, yuzni aniqlash kamerasi orqali foydalanuvchilarni tanish, RFID texnologiyasi bilan bog‘langan o‘z-o‘ziga xizmat ko‘rsatish uskunalari orqali kitob olish va qaytarish kabi funksiyalar xizmatlarni tezkor va xavfsiz qilayotgani e'tirof etildi. O'zDJTU ARM Elektron axborot resurslari bilan ishlash bo'limi mudiri To'xtayev Sardor ishtirok etdi.