Китобхонлик ҳафталиги давом этмоқда

2021 – йил 8 – апрел куни университетимиз Ахборот ресурс марказида китобхонлик ҳафталиги муносабати билан “Китоб маърифат чироғи” номли тадбир бўлиб ўтди.  Тадбирда талабалар буюк мутафаккир Мир Алишер Навоий ва Заҳириддин Мухаммад Бобур ғазалларидан парчалар ўқидилар. Ўзбек адиби Саид Ахмаднинг “Уфқ”,  Ўткир Хошимовнинг “Дунёнинг ишлари”, Паоло Коэлонинг “Алкимёгар” романлари моҳияти айтиб бу асаларнинг келажак авлодга бўлган тарбиявий аҳамияти ҳақида гапириб ўтдилар. Университетмиз талабаси Алишер Навоий номли давлат стипендияси совириндори Чарос Халимова Муҳаммад Юсуф шеърларидан ўқиб, ҳозирги кунда талабалар ўртасида китобга бўлган меҳр, китоб мутоолаа қилиш китобхонларга куч – ғайрат, шижоат ва маънавий юксалиш уларни мустақил фикрлашга, баркамол инсон бўлишга ундашини айтиб ўтди. Тадбир сўнгида талабалар ўқиган асарларидан викторина ташкил қилинди ва ғолиб талабаларга Ахборот-ресурс маркази томонидан бадиий адабиётлар  тақдим этилди.