“Talaba o‘qishi zarur bo‘lgan 100 kitob” loyihasi doirasida O‘tkir Hoshimovning “Bahor qaytmaydi” asari yuzasidan tadbir o‘tkazildi.

Axborot-resurs markazi bo‘lim mudiri M. Muhamedjonova, Ingliz filologiyasi fakulteti tyutori M. Azimova hamda talabalar ishtirokida “Talaba o‘qishi zarur bo‘lgan 100 kitob” loyihasi doirasida O‘tkir Hoshimovning “Bahor qaytmaydi” asari yuzasidan tadbir o‘tkazildi.
Tadbir davomida tyutor M. Azimova adib O‘tkir Hoshimovning hayoti va ijodi, yaratgan asarlari hamda ularning mazmun-mohiyati haqida ma’lumot berib o‘tdi. Shuningdek, “Bahor qaytmaydi” asarida insoniylik, mehr-oqibat, muhabbat va hayot sinovlari kabi mavzular yoritilgani ta’kidlandi.
Talabalar asar yuzasidan o‘z fikr-mulohazalarini bildirib, qahramonlar xarakteri hamda voqealar rivoji haqida qiziqarli suhbat olib bordilar. Tadbir kitobxonlik madaniyatini oshirish, yoshlarni mutolaaga qiziqtirish va ularning ma’naviy dunyoqarashini boyitishga xizmat qildi.