Adabiy asar muhokamasi

2025-yil 14-mart kuni Axborot-resurs markazi va Ingliz filologiyasi fakulteti hamkorligida adabiy muhokama bo‘lib o‘tdi. Tadbirda ARM bo‘lim mudiri M. Muhamedjonova, fakultet xotin-qizlar masalalari bo'yicha dekan muovini Z. Bannopova, tyutor N. Mannonova va talabalar ishtirok etdi.
 Muhokamada O. Toshboyevning "Oybolta", A. Qodiriyning "Adibni xotirlab", Ch. Aytmatovning "Qulayotgan tog‘lar" asarlari tahlil qilindi.
 "Oybolta" asari yuzasidan talabalar qahramonlarning murakkab taqdiri va asarning dolzarbligi haqida fikr almashishdi. Undagi ijtimoiy muammolar bugungi kun uchun ham ahamiyatli ekanligi ta’kidland.
A. Qodiriy ijodi tahlil qilinar ekan, uning milliy ruh va tarixiy voqealarni badiiy yuksak ifodalashi, xalqparvarlik g‘oyalari alohida e’tirof etildi.
Ch. Aytmatovning "Qulayotgan tog‘lar" asari esa inson va tabiat o‘rtasidagi murakkab munosabatlarni yorqin tasvirlagani bilan e’tiborni tortdi. Tabiat va insoniy qadriyatlar mavzusi chuqur tahlil qilindi.
Z. Bannonova asarlarning tarbiyaviy ahamiyatini ta’kidlab, bunday muhokamalar yoshlarni mustaqil fikrlashga o‘rgatishini va kitobga bo‘lgan mehrini oshirishini qayd etdi.