O‘ZBEK TILI (rus tilida so‘zlashuvchilar uchun electron darslikka o‘quv qo‘llanma)

Muxitdinova X.S., Salisheva Z.I., Avlakulov Ya.I. Usmonova Z.J.

Mazkur o‘quv-metodik qo‘llanma O‘zbekiston davlat jahon tillari universitetiga hamkorlik shartnomalari asosida yozgi maktablarga o‘zbek tilini o‘rganish maqsadida keladigan xorijiy fuqarolarga, shuningdek, o‘zbek tilini o‘rganishni xohlovchi xorijliklar uchun yaratildi. Qo‘llanma O‘zbekiston davlat jahon tillari universitetida amaliy loyiha doirasida yaratilgan “Xorijliklar uchun o‘zbek tili” electron darsligi bilan ishlash metodikasi taqdim etiladi. Shu maqsadda qo‘llanmaga “Xorijliklar uchun o‘zbek tili (A1-A2)” darsligi havolasi ham taqdim etilgan.

Yangilanayotgan O‘zbekistonda jadal olib brilayotgan ijtimoiy-iqtisodiy, huquqiy-demokratik islohotlar taʼlim sohasida ham tub o‘zgarishlar yuz berishiga, uzluksiz taʼlim tizimining har bir bo‘g‘inida o‘zbek tilini o‘qitishning zamonaviy metodikasini yaratish, o‘quv-uslubiy taʼminotini yangilash bo‘yicha amaliy tajribalar o‘tkazilishiga olib keldi. Maʼlumki, til taʼlimida bir-biridan farq qiladigan ikki xil yondashuv mavjud: tilni ona tili sifatida o‘qitish va tilni ikkinchi til sifatida o‘qitish farqlanadi. Ayni vaqtda tilni ikkinchi til sifatida o‘qitishning o‘zi ham tilni til muhitida o‘qitish (respublikamizda yashovchi turli millatlar vakillariga o‘zbek tilini davlat tili sifatida o‘qitish) hamda til muhiti mavjud bo‘lmagan holatda o‘qitish (xorijiy mamlakatlarda o‘zbek tilini o‘qitish) yo‘nalishlariga bo‘linadi. Har bir yo‘nalishning o‘ziga xos tamoyillari mavjud bo‘lib, taʼlim mazmuni va metodlari shunga mos holda tanlanadi. Mazkur yo‘nalishlarning o‘quv-uslubiy dasturiy taʼminotini ham shu yondashuvlardan kelib chiqib ishlab chiqish taqozo etiladi. Jumladan, respublikamizda o‘zbek tilini milliy maktablarda ona tili sifatida o‘qitish mazmuni, albatta, taʼlim boshqa tillarda olib boriladigan maktablarda o‘zbek tilini o‘qitish mazmunidan farq qiladi va ushbu taʼlim mazmuni o‘ziga xos metodikani, shunga mos o‘quv-uslubiy taʼminotni ham talab etadi.

 

Yuklab olish
















Submitted 1 month 2 weeks ago by webster.