Muvaffaqiyat siri nimada?

12-fevral kuni kitobxonlik targ‘iboti haftaligi doirasida Axborot-resurs markazi 1-toifali kutubxonachisi M. Akromova, tyutor B. Mirsagatov hamda  talabalar ishtirokida O‘zDJTU Ijtimoiy fanlar kafedrasi katta o‘qituvchisi, ko‘plab davlatlarning Yozuvchilar uyushmasi a’zosi D. Eshonqulova bilan "Muvaffaqiyat siri nimada?" nomli ilmiy-ijodiy uchrashuv bo‘lib o‘tdi.

Uchrashuv savol-javob shaklida tashkil etilib, talabalar "Ilmiy va ijodiy muvaffaqiyat siri nimada?" degan savolga javob izladilar.

Tadbir davomida ishtirokchilar muvaffaqiyatga erishishda tizimli mehnat, izlanish va to‘g‘ri rejalashtirish muhim o‘rin tutishini anglab yetdilar. Shuningdek, Dilafruz Eshonqulova talabalarga o‘z ijodiy va ilmiy faoliyati haqida so‘zlab, ularga kerakli maslahatlar berdi.

Tadbir qizg‘in bahs va fikr almashinuvi ruhida o‘tib, talabalar uchun ilhom va yangi g‘oyalar manbai bo‘ldi. Uchrashuv so‘ngida faol qatnashgan talabalarga Axborot-resurs markazi tomonidan badiiy adabiyotlar sovg‘a qilindi.