Kitobxonlik — tafakkur va taraqqiyot asosi

O'zDJTU kutubxonasida Ingliz tili 1-fakulteti 2412-guruh talabalari, tyutor J. Achildiyev hamda ARM boʻlim boshligʻi Inagamova Saida Yakubjanovna ishtirokida kitobxonlik madaniyatiga bag‘ishlangan mazmunli uchrashuv bo‘lib o‘tdi.Tadbir davomida talabalar o‘qigan asarlari yuzasidan o‘z fikrlarini bildirib, ularning mazmuni, asosiy g‘oyalari va hayotiy xulosalari haqida atroflicha mulohaza yuritdilar. Turli janrga mansub kitoblar muhokama qilinib, mutolaaning shaxs kamoloti, tafakkurni rivojlantirish, dunyoqarashni kengaytirish hamda nutq madaniyatini oshirishdagi o‘rni alohida e’tirof etildi. Faol qatnashgan talabalar o‘zaro tajriba almashib, tengdoshlariga o‘qishga arzigulik kitoblar bo‘yicha tavsiyalar berdilar.