Kitob ko'rgazma savdosi

2024-yil 28- mart kuni O‘zbekiston davlat jahon tillari universiteti Ingliz, Sharq, Roman-german filologiyasi fakultetlari binosida 4-tashabbus kitobxonlik yoʻnalishida "Yangi asr avlodi" nashriyoti tomonidan kitob ko'rgazma savdosi o'tkazilmoqda. Ko'rgazma savdosi o'tkazishdan maqsad talabalarni yangi badiiy adabiyotlar bialan tanishtirish, ularni yanada ko‘proq kitob o‘qishga undash, bo‘sh vaqtlarini samarali o‘tkazishga erishishdir. Kitob oʻqigan inson, qaysi sohada ishlamasin, toʻgʻri fikrlash, oqu qorani ajratish, murakkab vaziyatlarda oqilona qaror qabul qilish koʻnikmasiga ega boʻladi. Bundan tashqari, nutqi ravon boʻladi, odamlarni oʻz ortidan ergashtira oladi. Bunga esa faqat va faqat kitobxonlik madaniyatini yuksaltirish orqaligina erishish mumkin. Yarmarkada ingliz, rus tilidagi, o'zbek tilidagi badiiy adabiyotlar hamda chet el yozuvchilarining o'zbek tiliga tarjima qilingan badiiy adabiyotlari mavjud.