9-fevral – buyuk shoir, mutafakkir va so‘z mulkining sultoni Alisher Navoiy tavallud topgan kun

9-fevral – buyuk shoir, mutafakkir va so‘z mulkining sultoni Alisher Navoiy tavallud topgan kun. Ushbu sana munosabati bilan barcha fakultetlarning Axborot-resurs markazlari o‘quv zallarida maxsus ko‘rgazmalar tashkil etildi. Ko‘rgazmalarda Alisher Navoiy qalamiga mansub  asarlar, shoirning ijodiy merosi haqida chop etilgan turli gazeta va jurnallar qo'yildi.

Mazkur ko‘rgazmaning asosiy maqsadi – Alisher Navoiy merosini keng targ‘ib qilish, yosh avlod orasida adabiy qadriyatlarimizga bo‘lgan hurmat va e’tiborni yanada oshirishdan iborat. Navoiy ijodi nafaqat o‘zbek adabiyotining, balki butun jahon madaniyatining bebaho xazinasidir. 

Alisher Navoiy merosini o‘rganish va targ‘ib qilishga bag‘ishlangan bunday ko‘rgazmalar yoshlar uchun ibrat maktabi bo‘lib, ularning ilmga, adabiyot va san’atga bo‘lgan qiziqishini oshirishga ko‘mak beradi. Bu kabi tashabbuslar milliy madaniyatimizning rivojiga, ma’naviyatimiz yuksalishiga beqiyos hissa qo‘shadi.