21-mart — "Navro‘z" umumxalq bayrami

21-mart — "Navro‘z" umumxalq bayrami munosabati bilan Axborot-resurs markazining o‘quv zallarida  ko‘rgazmalar tashkil etildi. Fakultetlarda esa bayram shodiyonalari ko‘tarinki ruhda o‘tkazildi. Navro‘zi olam barchaga yangilanish, mehr-oqibat, tinchlik, totuvlik, do‘stlik, quvonch va farovonlik olib keladi, insonlar qalbini ezgulik va umid nuri bilan yoritadi.

Tadbir davomida mamlakatimizning 12 ta viloyatiga xos urf-odatlar, milliy liboslar, qadimiy an’analar hamda turli xil milliy taomlar namoyish etildi. Shuningdek, bahor tarovati va Navro‘z kayfiyatini aks ettiruvchi kuy-qo‘shiqlar yangrab, talabalar o‘z ijodiy chiqishlari bilan barchaga bayramona kayfiyat ulashdilar.

Tadbirda nashriyotlar tomonidan tashkil etilgan kitob ko‘rgazmalari ham ishtirok etib, bayram dasturiga o‘ziga xos ruh bag‘ishladi.

Bayram yuksak saviyada, juda chiroyli va esda qolarli tarzda o‘tkazildi.