2-mart — O‘zbekiston Respublikasi Birlashgan Millatlar Tashkilotiga a’zo bo‘lgan kun

 2-mart — O‘zbekiston Respublikasi Birlashgan Millatlar Tashkilotiga a’zo bo‘lgan kun munosabati bilan ta’lim muassasalarida seminarlar, davra suhbatlari va ochiq muloqotlar tashkil etilmoqda.Oʻzbekiston davlat jahon tillari universiteti Ingliz tili 3-fakultetida mazmunli davra suhbati bo‘lib o‘tdi.Tadbir davomida O‘zbekistonning Birlashgan Millatlar Tashkilotiga a’zo bo‘lishining tarixiy ahamiyati, xalqaro maydondagi o‘rni va bugungi kundagi hamkorlik yo‘nalishlari haqida atroflicha fikr almashildi.Davra suhbati tyutor Z. Xolmurodova hamda fakultet yetakchisi J. Sayliyeva boshchiligida tashkil etilib, talabalar faol ishtirok etdi. Ochiq muloqot shaklida o‘tgan tadbir yoshlarning xalqaro munosabatlar, tinchlik va barqaror rivojlanish masalalariga bo‘lgan qiziqishini yanada oshirdi.Tadbir yakunida talabalarga BMTning asosiy maqsadlari — tinchlikni ta’minlash, inson huquqlarini himoya qilish va barqaror taraqqiyot yo‘lida olib borilayotgan ishlar haqida batafsil ma’lumotlar berildi.