“Talaba o‘qishi zarur bo‘lgan 100 ta kitob” loyihasi doirasida O‘. Umarbekovning “Fotina va Zuxra” asari yuzasidan davra suhbati o‘tkazildi.

28-aprel kuni Axborot-resurs markazi bo‘lim mudiri M. Muxamedjonova boshchiligida ingliz filologiyasi fakulteti talabalari ishtirokida “Talaba o‘qishi zarur bo‘lgan 100 ta kitob” loyihasi doirasida O‘. Umarbekovning “Fotina va Zuxra” asari yuzasidan davra suhbati o‘tkazildi.

Suhbat davomida M. Muxamedjonova asarning mazmun-mohiyati hamda unda ko‘tarilgan ma’naviy masalalar haqida fikr bildirdi. Shundan so‘ng talabalar ham faol ishtirok etib, asar yuzasidan o‘z fikr-mulohazalarini bayon etdilar. Ular qahramonlarning xarakteri, asardagi voqealar rivoji hamda muallif ilgari surgan g‘oyalar haqida o‘z qarashlarini bildirdilar.

Davra suhbati davomida talabalar o‘zaro savol-javob qildilar, bir-birlariga qiziqarli savollar berib, fikr almashdilar. Bu jarayon suhbatni yanada jonlantirib, talabalarning asarni chuqurroq anglashlariga xizmat qildi.