“Talaba o‘qishi zarur bo‘lgan 100 kitob” loyihasi doirasida atoqli adib Abdulla Qodiriy asarlari yuzasidan ma’naviy-ma’rifiy tadbir o‘tkazildi.

Axborot-resurs markazida bo‘lim mudiri S. Inagamova, Ingliz tili-3 fakulteti tyutori N. Isroilova hamda talabalar ishtirokida “Talaba o‘qishi zarur bo‘lgan 100 kitob” loyihasi doirasida atoqli adib Abdulla Qodiriy asarlari yuzasidan ma’naviy-ma’rifiy tadbir o‘tkazildi.
Tadbir davomida adibning hayoti va ijodi, uning o‘zbek adabiyoti rivojiga qo‘shgan ulkan hissasi haqida so‘z yuritildi. Talabalar tomonidan yozuvchi asarlaridan parchalar o‘qildi, fikr-mulohazalar va taassurotlar bildirildi. Ayniqsa, “O‘tkan kunlar” va “Mehrobdan chayon” asarlarining mazmun-mohiyati, yoshlar tarbiyasidagi ahamiyati keng muhokama qilindi.
Tadbir yakunida kitobxonlikni targ‘ib qilish, yoshlarning badiiy adabiyotga bo‘lgan qiziqishini yanada oshirish lozimligi ta’kidlandi.