“Alpomish” dostoni yoshlar nigohida

“Alpomish” dostoni yoshlar nigohida
Ingliz tili–1 fakulteti o‘qituvchisi M. Allamova, Axborot-resurs markazi bo‘lim mudiri S. Inagamova hamda talabalar ishtirokida “Talaba o‘qishi zarur bo‘lgan 100 kitob” loyihasi doirasida ma’naviy-ma’rifiy tadbir tashkil etildi. 

Tadbir o‘zbek xalq og‘zaki ijodining nodir namunasi — “Alpomish” asari tahliliga bag‘ishlandi.

Tadbirning asosiy yo‘nalishlari:
Mazmun va mohiyat: Asarning g‘oyaviy-badiiy xususiyatlari hamda yoshlar tarbiyasidagi o‘rni haqida atroflicha fikr yuritildi.
Yuksak fazilatlar: Talabalar tomonidan dostondagi vatanparvarlik, sadoqat, jasorat va mardlik kabi xislatlar tahlil qilinib, asardan parchalar o‘qib eshittirildi.
Muloqot va takliflar: Ishtirokchilar milliy merosimizni asrab-avaylash hamda uni keng targ‘ib etish bo‘yicha o‘z taklif va taassurotlari bilan o‘rtoqlashdilar. 
Bu kabi tadbirlar talaba-yoshlarda milliy g‘urur va kitobxonlik madaniyatini yuksaltirishga xizmat qiladi.