“Talaba o‘qishi zarur bo‘lgan 100 kitob” loyihasi doirasida “Jadidlar"  asoschilari haqida davra suhbati o‘tkazildi

Xalqaro jurnalistika fakulteti Axborot-resurs markazi mutaxassisi M. Akromova  tyutor M. Soburova va talabalar ishtirokida “Talaba o‘qishi zarur bo‘lgan 100 kitob” loyihasi doirasida “Jadidlar"  asoschilari haqida davra suhbati o‘tkazildi.
Tadbir davomida ishtirokchilar jadidlar harakati, ularning ma’rifatparvarlik g‘oyalari va millat ravnaqi yo‘lida olib borgan faoliyati haqida fikr almashdilar. Jadidlar — XIX asr oxiri va XX asr boshlarida Turkiston hududida yashab, jamiyatni ilm-ma’rifat orqali rivojlantirishni maqsad qilgan ziyolilar edi. Ular yangi usul maktablarini ochib, xalqni savodli qilish, milliy ongni uyg‘otish va zamonaviy bilimlarni targ‘ib etishga katta hissa qo‘shganlar.
Davra suhbati yakunida talabalar jadidlar merosining bugungi kundagi ahamiyati haqida o‘z fikrlarini bildirib, ularning ilmga bo‘lgan intilishi va vatanparvarlik ruhidan o‘rnak olish zarurligi ta’kidlandi