O‘zDJTUda Bahor Nafasi: Navro‘z Tantanasi va Kitob Sayli!

O‘zDJTUda Bahor Nafasi: Navro‘z Tantanasi va Kitob Sayli!

O‘zbekiston davlat jahon tillari universiteti hovlisi bugun har qachongidan ham gavjum va fayzli. Bu yerda bahoriy yangilanish, yasharish va birdamlik ayyomi — Navro‘z bayrami keng nishonlanmoqda. Bayram shukuhi har bir burchakda sezilib turibdi: milliy kuy-qo‘shiqlar yangramoqda, dillar quvonchga to‘la.

Tadbirning eng ko‘rkli maskanlaridan biri — bu milliy qadriyatlarimizni aks ettirgan boy ko‘rgazma stolidir. Rang-barang, zardo‘zi so‘zanalar va atlas-adraslar to‘shalgan stol ustida o‘zbek xalq amaliy san’atining nodir namunalari joy olgan.
Ushbu madaniy tadbirga ma’rifiy mazmun bag‘ishlash maqsadida yurtimizning yetakchi nashriyotlari ham o‘z ko‘rgazmalari bilan ishtirok etmoqdalar. "O‘zbekiston Nashriyoti" o‘z stendida boy tarixiy merosimiz  va jahon adabiyoti namunalariga oid eng sara kitoblarini taqdim etgan bo‘lsa, "Zabarjad Nashriyoti" ham o‘zining turfa xil, mazmunli va go‘zal bezatilgan nashrlari bilan kitobxonlar e’tiborini tortmoqda.