5-avgust – O‘zbekiston xalq yozuvchisi O‘tkir Hoshimov tavallud topgan kun

5-avgust – O‘zbekiston xalq yozuvchisi O‘tkir Hoshimov tavallud topgan kun

O‘tkir Hoshimov 1941-yilning 5-avgustida Toshkent viloyatining Zangiota tumani Do'mbirobod mavzesida tavallud topgan. Toshkent davlat universitetining filologiya fakultetida tahsil olgan.
O‘tkir Hoshimov o‘z ijodini she’r va ocherklar yozishdan boshladi. 
1962-yilda uning “Po‘lat chavandozlar” ocherklar to‘plami bosilib chiqdi. 
Shundan keyin uning birin-ketin hikoya, qissa va romanlari kitobxonlarning qo‘liga borib tegdi. 
Uning ilk qissasi “Cho‘l havosi” (1964-yil) adabiy jamoatchilik tomonidan iliq qarshi olindi. Atoqli adib Abdulla Qahhor bu qissa haqida o'sha paytda juda yaxshi fikr bildirgan. 
Ammo yozuvchiga muvaffaqiyat keltirgan asar 1970-yilda nashr qilingan “Bahor qaytmaydi” qissasi bo‘ldi.
2001-yilda adibning yana bir mashhur ishi “Daftar hoshiyasidagi bitiklar” asari chop etildi. Yozuvchi ushbu kitobni 40 yil davomida yozgan.