"Birga kitob o‘qiymiz" loyihasi

2024-yil 15-fevral kuni Axborot-resurs markazida "Birga kitob o‘qiymiz" loyihasi doirasida "Yosh kitobxonlar klubi" hamda "BOOK CLUB" a’zolari ishtirokida Tog‘ay Murodning "Otamdan qolgan dalalar" va R. Baxning "Oqcharloq Jonatan Livingston" asarlari muhokamasi bo‘lib o‘tdi.

Muhokama davomida asarlarning mazmuni, asosiy g‘oyasi hamda undagi obrazlar tahlil qilindi. Muhokama qizg‘in bahs va munozaralar asosida o‘tdi. Tadbirda ishtirokchilar o‘z fikr-mulohazalarini bildirishdi, asarlardagi hayotiy tajribalar va xulosalar yuzasidan fikr almashishdi.

Ushbu muhokama yosh kitobxonlarning adabiy savodxonligini oshirish, ularda tanqidiy va tahliliy fikrlash ko‘nikmalarini shakllantirishga xizmat qildi.