Zulfiyaxonim tavalludiga 108 toʻldi

Bugun Oʻzbek xalqining sadoqat va vafo timsoli boʻlgan, otashnafas shoiralaridan biri Zulfiya Isroilova tavalludiga 108 toʻldi. Zulfiyaxonimning she'rlaridagi nafis satrlari qalbimizga beg‘ubor bir shaklda muhirlanib qolgan. Ma'lumot uchun, Zulfiya nomidagi davlat mukofoti 1999 yilda ta'sis etilgan. 

Men o‘tgan umrimga achinmay qo‘ydim…
Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab,
Suyish kerak bo‘lsa — telbacha suydim.
Kiyganim ipakmi, chitmi yo kimxob,
Yurak boyligidan qilmabman parvo.
Meni og‘ushlagan hayot naq oftob,
Yangi qo‘shiq talab unda har saboh.