O‘tkir Hoshimovning Ikki eshik orasida asariga bag‘ishlangan adabiy uchrashuv tashkil etildi.

Axborot-resurs markazi bo‘lim mudiri S. Inagamova, Tarjimonlik fakulteti Roman-german tillari tilshunosligi kafedrasi katta o‘qituvchisi Z. P. Achilova boshchiligida hamda kitob o‘qishni sevuvchi, uni boshqa kitobxonlar bilan mazmunli va qizg‘in muhokama qilishni istagan ispan tili yo‘nalishidagi iqtidorli talabalar ishtirokida O‘tkir Hoshimovning Ikki eshik orasida asariga bag‘ishlangan adabiy uchrashuv tashkil etildi.
Mazkur uchrashuv talabalar o‘rtasida kitobxonlik madaniyatini yanada rivojlantirish, badiiy asarlarni chuqur tahlil qilish hamda fikr almashish ko‘nikmalarini mustahkamlash maqsadida o‘tkazildi.
Uchrashuv davomida talabalar O‘tkir Hoshimov ijodining o‘ziga xos jihatlari, romanda aks etgan hayotiy voqealar, insoniy munosabatlar, urush davrining ruhiy ta’siri hamda asarning tarbiyaviy ahamiyati haqida o‘z fikr-mulohazalarini faol tarzda bayon etdilar.
Tadbir talabalar uchun juda foydali va taassurotlarga boy bo‘ldi.