Muhabbat va sadoqat kuychisi - Zulfiyaxonim!

O‘zbekiston xalq shoira­si, muhabbat va sadoqat kuychisi Zulfiyaxonim tavalludining 111 yilligi munosabati bilan fakultetlar Axborot-resurs markazlarining o‘quv zallarida ko‘rgazmalar tashkil etildi hamda ma’naviy-ma’rifiy tadbirlar o‘tkazildi.

Ko‘rgazmada namoyish etilgan manbalar talaba-yoshlarni Zulfiyaxonimning boy ijodiy merosi, uning Vatanga muhabbat, sadoqat, mehr-oqibat va insoniy fazilatlari bilan tanishtirdi.

Tadbir davomida talabalar shoiraning she’rlarini ifodali o‘qidi, hayoti va ijodiga doir ma’ruzalar qildilar hamda ijodiy chiqishlar namoyish etildi. Shuningdek, Zulfiyaxonimning o‘zbek adabiyoti ravnaqiga qo‘shgan ulkan hissasi, uning o‘ziga xos ijodiy uslubi va nozik qalb kechinmalarini yuksak mahorat bilan ifoda eta olgani alohida ta’kidlandi.