Kitobsevar xalq uchun mutolaa imkoniyatlari kengaytiriladi

Prezident Shavkat Mirziyov raisligida o‘tkazilgan videoselektorda yoshlarning bo‘sh vaqtlarini mazmunli tashkil etish, jumladan kitobxonlik targ‘ibotini kengaytirish masalalari yuzasidan ham mutasaddilarga tegishli topshiriqlar berildi.

Jumladan, Buxoro, Samarqand, Xiva,  (https://t.me/+VcCWzXZmYfX0ie7X)Termiz, Shahrisabz, Qo‘qon kabi turistik majmualarda, shahar va tumanlardagi markaziy park va xiyobonlarda “Ochiq osmon ostida kutubxona”lar tashkil etilishi qayd etildi.

O‘z hisobidan kutubxona barpo etayotgan tashabbuskorga mingtadan o‘zbek va jahon adabiyotining durdona asarlari taqdim etiladi. Eng muhimi, ular davlat hisobidan kompyuter bilan jihozlanib, Milliy kutubxona bazasiga ulanadi. 

Eng ommabop va xaridorgir jahon bestsellerlari bilan ham yoshlarni tanishtirib borish maqsadida joriy yil 1-maydan boshlab yoshlar, talabalar, maktab o‘quvchilari o‘rtasida so‘rovlar o‘tkaziladi. So‘rovda eng ko‘p ovoz berilgan xorij adabiyotlari o‘zbek tiliga tarjima qilish bo‘yicha davlat buyurtmasi joriy qilinadi.