Muhtarama professor-o‘qituvchilar, xodimalar va qadrli talaba qizlar!

Muhtarama professor-o‘qituvchilar, xodimalar va qadrli talaba qizlar!

Sizlarni 8 mart – Xalqaro xotin-qizlar kuni bilan samimiy tabriklayman! 

Sizlarning ilm-fan, ijod va jamiyat rivojiga qo‘shayotgan ulkan hissangiz, mehnatsevarligingiz va yangi g‘oyalaringiz kelajakka umid bag‘ishlaydi.

Universitetimizda faoliyat yuritayotgan ayollarimiz o‘z bilimi va tajribasi bilan hamisha faxrlantiradi. Sizning orangizda chet ellarda malaka oshirgan, o‘z sohasida muhim yutuqlarga erishgan va ilmiy ishlarini muvaffaqiyatli yakunlaganlar ko‘p. O‘tgan yilda ham ko‘plab xodimalarimiz davlat mukofotlariga va turli sovrinlarga sazovor bo‘ldi.

Talaba qizlarimiz ham tahsilda, sportda va ijtimoiy faoliyatda o‘zlarining qobiliyatini ko‘rsatmoqda. Ular orasida prezident stipendiyalari, rektor stipendiyasi, davlat mukofotlari va boshqa sovrinlarga ega bo‘lganlar bor. Bundan tashqari, chet el universitetlarida tahsil olib, yurtimiz nomini ulug‘layotgan qizlarimiz ham kam emas. Sportda ham qizlarimiz respublika va xalqaro miqyosda yuksak natijalar qayd etmoqda.

Sizlar faqat o‘z sohangizda emas, balki butun jamiyatimizda muhim o‘zgarishlar yaratmoqdasiz. Kelgusida ham sizlarga yana-da katta yutuqlar, ijodiy muvaffaqiyatlar va barkamollik tilayman.

Sizlar – hayotimizning eng nozik va muhim qismisiz. Har bir qadamingiz, jasoratingiz va mehringiz kelajak avlodlarimiz uchun umid va yorqin yo‘l bo‘lib qolsin. 

Bayramingiz muborak bo‘lsin!

Hurmat bilan O‘zbekiston davlat jahon tillari universiteti rektori 
Tuxtasinov Ilxomjon Madaminovich