Millatlararo totuvlik va bag'rikenglik - umrboqiy qadriyatlar

15-noyabr kuni Axborot-resurs markazining barcha o'quv zallarida "Millatlararo totuvlik va bag'rikenglik - umrboqiy qadriyatlar" mavzusida maxsus ko'rgazmalar tashkil etildi.

Mazkur ko'rgazmaning asosiy maqsadi - yoshlarimizda millatlararo totuvlik, bag'rikenglik va do'stlik tuyg'ularini yanada mustahkamlash, ularda Vatanga muhabbat va sadoqat tuyg'ularini kuchaytirish hamda milliy va umuminsoniy qadriyatlarga hurmat ruhini shakllantirishdan iborat.

Ko'rgazmada O'zbekistonda millatlararo totuvlikni ta'minlash borasida amalga oshirilayotgan islohotlar, turli millat vakillari uchun yaratilgan imkoniyatlar, shuningdek, xorijiy mamlakatlar bilan madaniy-ma'rifiy aloqalarga oid kitoblar, ilmiy maqolalar va davriy nashrlar namoyish etildi.

Tadbirda ishtirok etgan talaba-yoshlar ko'rgazma materiallari bilan tanishib, O'zbekistondagi millatlararo totuvlik va bag'rikenglik muhiti, turli xalqlarning madaniyati, urf-odatlari va an'analari haqida qimmatli ma'lumotlarga ega bo'ldilar.

Ushbu ko'rgazma yoshlarimizda vatanparvarlik, insonparvarlik va bag'rikenglik kabi olijanob fazilatlarni yanada mustahkamlashga xizmat qiladi.

#yangiliklar #ko'rgazma #millatlarotuvligi #yoshlar #talabalar