Xalqaro yetakchi ma'lumotlar bazalari haqida amaliy seminar

O'zbekiston davlat jahon tillari universiteti  Axborot resurs markazi xodimlari 11-20 oktabr sanalarida xalqaro yetakchi ma'lumotlar bazalari haqida amaliy seminarlar o'tkazdi. Ushbu seminarlarda Web of Science, Science Direct, Springer Nature, EBSCO Host, Elibrary.ru, Scopus, hamda SciVal kabi dunyoda tanilgan ma’lumotlar bazalari haqida batafsil ma'lumotlar taqdim etildi.

Seminarlar doktorantlar, mustaqil izlanuvchilar, stajyor-tadqiqotchi izlanuvchilarga mo'ljallangan bo'lib, ularga xalqaro ilmiy ma'lumotlar bazalaridan to'g'ri va samarali foydalanish usullari haqida ko'rsatma berildi.

Taqdimotlar Ingliz tili № 1, Ingliz tili № 2, Ingliz tili № 3, Tarjimonlik, Ingliz filologiyasi, Sharq filologiyasi, Roman-german filologiyasi, Rus filologiyasi, Mediya va kommunikatsiya, shuningdek Magistratura mutaxassisligi fakultetlaridagi talabalar va professor-tutorlarga o'tkazildi.

Seminarlar natijasida qatnashgan ishtirokchilar xalqaro ma’lumotlar bazalari bilan ishlashda yangi ko'nikmalar va bilimlar olish imkoniyatiga ega bo'ldilar. Ushbu tadbirlar ilmiy faoliyatni rivojlantirishga, hamda ilmiy ishlarda sifatni oshirishga xizmat qilish maqsadida tashkil etilgan.

Axborot resurs markazi xodimlari kelajakda ham shunday tadbirlarni tashkil qilishni rejalashtirayotganlarini bildirdi va barcha qiziqqan savollarga javob berishdi.