O‘zbekistonda ilk bor RFID texnologiyalari asosidagi avtomatlashtirilgan namunaviy kutubxona

Joriy yilning 29 oktabr kuni Oliy va o‘rta maxsus ta’lim vazirligi, Bosh ilmiy-metodik markaz, Ta’lim muassasalarida elektron ta’limni joriy etish markazi hamda Rossiyaning ID LOGIC kompaniyasi bilan hamkorlikda “INFOLIB 2019” a

Submitted 4 years 5 months ago by webster.
Tags: 
RFID

Joriy yilning 29 oktabr kuni Oliy va o‘rta maxsus ta’lim vazirligi, Bosh ilmiy-metodik markaz, Ta’lim muassasalarida elektron ta’limni joriy etish markazi hamda Rossiyaning ID LOGIC kompaniyasi bilan hamkorlikda “INFOLIB 2019” axborot-kutubxona haftaligi doirasida tashkil etilgan RFID texnologiyalari asosidagi avtomatlashtirilgan namunaviy kutubxonaning ochilish marosimi bo‘lib o‘tdi. 

Mazkur tadbirda Oliy va o‘rta maxsus ta’lim vazirligi, Xalq ta’limi vazirligi, Prezident Administratsiyasi huzuridagi Axborot va ommaviy kommunikatsiyalar agentligi, Alisher Navoiy nomidagi O‘zbekiston Milliy kutubxonasi vakillari, Bosh ilmiy-metodik markaz rahbariyati hamda respublikadagi 30 dan ortiq Oliy ta’lim muassasalaridan mutaxassislar ishtirok etdilar.

Tadbirda oliy ta’lim muassasalarining ARM rahbarlari va yetakchi mutaxassislari uchun ID LOGIC kompaniyasi bosh direktori Sergey Nikulin (Rossiya) ishtirokida “Axborot-kutubxona muassasalarini kompleks avtomatlashtirish istiqbollari” mavzusida seminar tashkil qilindi hamda kutubxonalar faoliyatini avtomatlashtirish sohasidagi zamonaviy texnologiyalar, ularning imkoniyat darajalari haqida ma’lumotlar berildi.

RFID texnologiyalaridan foydalangan holda axborot xizmatlari samaradorligini oshirishning yangi texnik va dasturiy vositalari taqdimotiga bag‘ishlangan mazkur tadbirda kutubxonalarda RFID tizimlarini joriy qilishning quyidagi imkoniyatlariga alohida to‘xtalib o‘tildi:

  • fondlar bilan operatsiyalarda inson omilining ta’sirini kamaytirish va noto‘g‘ri identifikatsiyalashning oldini olish;
  • kutubxona ishining samaradorligini oshirish va o‘z-o‘ziga xizmat ko‘rsatish stansiiyalarini joriy qilish orqali kutubxona foydalanuvchilariga xizmat ko‘rsatish tezligini oshirish;
  • inventarizatsiya vaqtini qisqartirish;
  • kitob fondining saqlanishini ta’minlash;
  • kitoblarni fond ichida va undan tashqarida ko‘chirish jarayonini iloji boricha oshkora qilish;
  • kutubxona talablariga muvofiq eksponatlarni tezda tashkil qilish;

ilmiy va ta’lim resurslariga tezkor kirish orqali ta’lim samaradorligini sezilarli darajada oshirish.