НАВОИЙ ВА ДУНЁ

Тадбирда сўз мулкининг султони, буюк шоир Алишер Навоийнинг дунё адабиёти хазинасига қўшган бебаҳо ҳиссаси, унинг турли тилларга қилинган таржималари, жаҳоннинг етакчи Навоийшунос олимлари фаолияти ҳақида сўз юритилди. Университет профессор-ўқитувчилари томонидан “Англия ва Америкада А. Навоий ижодини ўрганиш”, “Францияда Навоий асарларининг таржимаси”, “Россия ва Навоий”, “Хитой Халқ Республикасида Ҳазрат Алишер Навоий ҳаёти ва ижодини ўрганиш”, “Кунчиқар мамлакатида А. Навоий асарларига муҳаббат”, “Германияда Навоий ижодига эьтибор” каби мавзуларда маърузалар қилинди. Етук шоирнинг талабалар томонидан турли хорижий тилларда ўқилган ғазаллари барчани хушнуд этди.